السلام عليكم. انا كوتش سعود الله يحييكم جميع وهنا ابجاوب على سؤال كيف اطلع عضلات البطن وابين لكم ان الموضوع ابسط من ما تتخيلونه ونحتاج جميعنا فقط نفهم طريقة الاجرائات لها.
تدورون الان في المواقع واليوتيوب والتويتر والسناب شات عن كيف اطلع عضلات البطن وتسمعون كلام مثل اسرار الحصول على عضلات البطن او اسهل طريقة للحصول على عضلات البطن او احصل على عضلات البطن في اسبوع وهذا كلها عبارة عن دعايات عشان تجذبك لكن في الحقيقة كلها كلام فارغ عن كيف اطلع عضلات البطن.
عشان كذا حبيت اني اوضح الصدق لكم وتكونين على بينة وش ممكن تسوون وكم ياخذ اساسا وقت.
وهذي نصائح رياضية لكم. وتذكروا مافي شي يجي بسرعة، ولافيه شي صعب ايضا.
اول شي التمارين:
1- لاتمرن بطنك بشكل مستمر.
العديد يحسب ان كل مازاد في تمارين البطن يعني انه بيطلع عضلات البطن بسرعة وهذا غلط جدا جدا كبير. عضلات البطن تحتاج الى وقت للنمو وتحتاج الى تمارين مختلفة عشان تطلع.
وش معنى كلامي؟ ان ممكن تمرن عضلات بطنك يومين في الاسبوع وبحد اقصى 3 ايام في الاسبوع. يومين منهم كمثال تكون بوزن الجسم وتمارين مختلفة. فممكن نخلي اول يوم 10 تمارين بطن، ولكل تمرين 20 تكرار وهذا يعني 200 تكرار. في اليوم الثالث نمرن عضلات البطن 5 تمارين وفي كل تمرين 25 تكرار وهذا يعني 125 تكرار. لكن اليوم الثالث نركز فيه على الكور مصلز (عضلات الجذع) مع اضافة تمرينين او ثلاث تمارين لعضلات البطن باستخدام الاوزان.
كذا تكون العضلات جربت تمارين عديدة ومختلفة. ونفس الوقت ما تم اجهادها.
..
2- استخدام التمارين المركبة.
وش هي التمارين المركبة؟ هي التمارين الي حركتها تستدعي تدخل عضلات كثيرة لاداء الحركة التدريبية بشكل متكامل. ومثال هو تمرين سكوات. اذا سوينا تمرين سكوات ف الافخاذ والساقين والارداف والكور مصلز والظهر والاكتاف والعضدية كلهم يشتغلون ويجتهدون لاداء التمرين الحركي بطبيعته. لهذا السبب بنشوف ان الكور مصلز وعضلات البطن بتشتغل مباشرة وبشكل اساسي في التمرين وهذا يعني الفائدة الاساسية لها.
ممكن اليوم الثاني نسوي 5 تمارين مركبة. واليوم الرابع نسوي 5 تمارين مركبة مختلفة.
..
3- تمارين الكارديو مع تمارين المقاومة.
العديد يفصل بين تمارين الكارديو وتمارين العضلات لكن ماجربوا دمج تمارين الكارديو مع تمارين المقاومة بشكل سريع متتابع في فترة قصيرة لان هذا يفيد في ان الجسم يرفع عدد حرق السعرات الحرارية وقت النوم وهذا الي نبيه.
مثال على هذي الطريقة هو تمارين الهييت والتمارين السويدية. تلقى نفسك تسوي تمارين مقاومة لكن تتنفس بسرعة وعدد ضربات قلبك عالية وهذا بسبب ان تم جمع تمارين المقاومة مع الكارديو.
..
هذي 3 طرق جدا رائعة. اتمنى انها تفيدكم.
اذا حبيتم تمارين عضلات بطن جاهزة ورائعة، شوفوا تمارين تحديكم لعضلات البطن على بالضغط هنا او هنا
تحياتي